«Юрла, çăл куç, шавла, шур хурăн» проект Чăваш Республикин Цифра аталанăвĕпе информаци политикин тата массăллă коммуникацисен министерстви пулăшнипе пурнăçланать.

ЭСИР кăларса ывăтнă полиэтилен - 100 çултан, кĕленче - 1000 çултан, шăвăç кон- серва банки - 90 çултан, пластик бутылка - 100-200 çултан, пластик стакан - 50 çултан, аллюминий - 500 çултан, тимĕр 90-100 çултан çеç çĕрсе тăпрана çаврăнаççĕ.

Çавăн пекех автомобиль аккумуляторĕ - 100 çултан, электричество батарейки - 110 çултан, фольга - 100 çултан, автомобиль покрышки - 150 çултан, телефонпа ком- пьютер 1000 çултан çеç çĕрсе сывлăхшăн питĕ сиенлĕ тăпра пулаççĕ.

Искусственнăй майпа пулнă ăпăртапăр (мусор) экологишĕн пысăк хăрушлăх кăларса тăратать. Çавăнпа та вăрман уçланкинче, шыв хĕрринче, çул айккинче е ытти çĕрте пластик савăт-сапа, пакет, кĕленче, консерва банки пăрахса ан хăварăр, хутаçа хурса хăвăрпа пĕрле илĕр те кайран çỹп-çап контейнерне хурăр.