Ковид каллех пуçне çĕклет
![Ковид каллех пуçне çĕклет](https://fs01.cap.ru//www22-09/shemur/news/2022/11/03/6ce39120-d7dd-40e3-afb4-3e80dcedc3c0/publikaciya_mp35fh0n.png?i=97)
Коронавирус пирки шăв-шав лăпланнăччĕ. Савăнма иртерех-ха. Усал амак каллех хăй пирки аса илтерет.
2022 çулхи январĕн 1-мĕшĕнчен пуçласа районĕпе 840 çын ковид серепине лекнĕ. Вĕсенчен: çитĕннисем - 693-ĕн, ачасем - 147-ĕн. Çав шутран 26-шĕ - район больницинче, ыттисем килте сипленнĕ. Питĕ шел те, 10 уйăх хушшинче коронавируса пула 8 çын вăхăтсăр пурнăçран уйрăлса кайнă.
Паянхи куна ковидпа чирленĕ 5 граждана (1 ачапа 4 çитĕннĕ çын) регистрациленĕ.
Район гражданĕсене коронавирусран çине тăрсах упранма чĕнсе калатпăр. Сыхлăх мерисем пирки самантлăха та манас марччĕ, тусăмăрсем!
О.Полковникова,
район больницин пĕтĕмĕшле практикăн врачĕ.