ÇĔР-ШЫВРА, çав шутра Чăваш Республикинче те коронавирус чирĕ çĕнĕрен вăй илме пуçланине палăртаççĕ. Акă республикăра кашни кунах 65-66 çын коронавируспа чирленине шута илеççĕ.

Çавна май Чăваш Ен ертỹçи Олег Николаев усал чиртен сыхланас тĕлĕшпе халăх хушшинче профилактика ĕçне анлăн сарма, коронавирус ересрен вакцинаци тăвассине вăйлатма хушнă. Лару-тăру йывăрлансан каллех маскăпа çỹресси çине куçмаллине те палăртнă.