Чи лайăххисем - Шăмăршăсем
![Чи лайăххисем - Шăмăршăсем](https://fs01.cap.ru//www22/shemur/news/2022/08/01/b96e1af7-13e8-4f47-b8cd-85d4f1c21f3b/publikaciya_dkecuuvt.png?i=64)
ИЮЛĔН 22-мĕшĕнче Патăрьел районĕнче Пĕтĕм Раççейри професси ăсталăхĕн "Вăрман сỹнтерекен чи лайăх пожарнăй-2022" конкурсăн регионти VIII ăмăртăвĕ иртнĕ. Ăна Чăваш Республикин Çут çанталăк ресурсĕсемпе экологи министерстви йĕркеленĕ.
Республика ăмăртăвне тĕрлĕ районтан килнĕ 22 пожарнăй хутшăннă. Çивĕч кĕрешỹре чи пысăк ăсталăх кăтартса Шăмăршă лесничествин 1 категори лесникĕ Владимир Чернов çĕнтерỹçĕ пулса тăнă. Виççĕмĕш вырăна та пирĕн район вăрманçи йышăннă: Шăмăршă лесничествин вăрман фондне сыхлас тата хỹтĕлес енĕпе ĕçлекен инженер Марат Азизов палăрнă.
Владимир Чернов лесник кăçалхи сентябрĕн 6-9-мĕшĕсенче Мускав облаçĕнче иртекен федераци конкурсне хутшăнĕ. "Çĕр-шыври вăрман пушарне сỹнтерекенсенчен чи лайăххи" ята çĕнсе илме Владимира ăнăçу сунатпăр.