Хăратаймĕç сивĕсем
![Хăратаймĕç сивĕсем](https://fs01.cap.ru//www21-06/shemur/news/2021/10/18/516b518a-3040-468e-97c6-01565e2adb96/individualjnoe-otoplenie_2xssyrjd.jpg?i=16)
РАЙОНТА нумай хваттерлĕ çуртсене уйрăм ăшăтасси çине куçарас ĕçсем вĕçленнĕ. Октябрь уйăхĕнче Шăмăршăри Юбилей урамĕнчи виçĕ çурт валли ăшă парас тата ятарлă (блочно-модульная) котельнăй вырнаçтарас ĕçсене туса пĕтернĕ. 42 хваттере уйрăм ăшăтма пуçланă.
Справка
Юлашки тăватă çулта районти 15 çурта, 160 хваттере уйрăм ăшăтса тăраççĕ, çакă Шăмăршă ялĕнчи граждансемшĕн - пысăк çăмăллăх. Çĕнĕлле хурансем (котелсем) вырнаçтарни ăшă паракан системăна чылай çухатусенчен хăтăлма тата пурăнакансен ăшăшăн тỹлемелли тăкакĕсене самаях чакарма пулăшать.