Садик ертÿçи Марина Гаврилова пухăннисене çак паллă кун ячĕпе саламланă. Çавăн пекех районти çутĕç ĕçченĕсен профсоюз райкомĕн председателĕ Светлана Жилкина та çитес ăрăва çитĕнтересси шăпах ача сачĕнчен пуçланнине палăртнă. Район администрацийĕн вĕрентÿпе çамрăксен политикин методисчĕн Лидия Гордееван та çак шухăшах. Пурнăç çулĕ шăпах ача сачĕсенчен пуçланмасть-и вара; Ку - чăннипех те çапла.

Паллă кун хаваслă концертпа вĕçленнĕ, ачасем ашшĕ-амăшĕсене, уява килнине юрă-ташăпа савăнтарнă.

М.ЮМАНОВА.