ИРТНĔ юн кун район администрацийĕн пуçлăхĕ В.Фадеев ертсе пынипе ĕçлĕ канашлу пулса иртнĕ.

Унта кăçалхи вырма, кĕр аки, выльăх апачĕ хатĕ-рлессин, çĕртме сухи тунин итогĕсене пĕтĕмлетнĕ. Ял хуçалăх тата экологи пайĕн специалисчĕсем пĕлтернĕ тăрăх, уй-хир ĕçĕсем вĕçленнĕ тесен те юрать. Тыр-пула, çĕр улмипе пахча çимĕçе пĕтĕм лаптăксем çинчен пухса кĕртнĕ, палăртнинчен ытларах выльăх апачĕ хатĕрлесе хăварнă.

Кăçал районта Ял хуçалăх тата продукцие тирпейлекенсен кунне октябрĕн 30-мĕшĕнче ирттерме палăртнă. Унта районти Культура аталанăвĕн центрĕнче ĕçре палăрнă уй-хир, ферма ĕçченĕсене чыслĕç, тĕрлĕ енлĕн хавхалантарĕç. Паллах, тар тăкакан хисепе те тивĕçлĕ.

Çак кунах Шăмăршăра кĕрхи ярмаркка иртет. Унта ял хуçалăх продукцине çителĕклĕ таранах туянма май пулĕ.

В.СЕВРЮГИН.