ТĔРЛĔ харпăрлăхри хуçалăхсенче пухса кĕртмелли лаптăксем чаксах пыраççĕ. 6177 гектар çинчи пĕрчĕллĕ тата пăрçа йышши культурăсем хиртен йĕтем çине куçма ĕлкĕрнĕ ĕнтĕ. Хальлĕхе пĕтĕмпе 116690 центнер тырă çапса илнĕ. Вăтам тухăç – кашни гектар пуçне 16,5 центнер. Чи пысăкки – «А.И.Сатеев» хресчен(фермер) хуçалăхĕнче: 23,9 центнер, «Карлинская» агрофирмăра – 20,3 центнер. Кĕр тыррисем акма çĕр хатĕ-рлес тĕлĕшпе «Мир», «Искра», «Колос», «Исток» хуçалăхсем лайăх ĕçленине палăртмалла. Паянхи куна районта 1680 гектар çĕр кĕр аки агрегачĕсене йышăнма хатĕр.

Хуçалăхсенче улăма та вăхăтра пуçтарма тăрăшаççĕ. Ку ĕçе хальлĕхе 4560 гектар çинче пурнăçланă.