ТРАКТОРСЕН, çул-йĕр машинисен тата ытти техника хатĕрĕсемпе вĕсен прицепĕсен хăрушсăрлăхне тĕрĕслес енĕпе Чăваш Республикин хăй тĕллĕн çÿрекен тата ытти машинăсене тĕрĕслесе тăракан Патшалăх инспекцийĕ кăçалхи августăн 1-мĕшĕнчен пуçласа 31-мĕшĕччен ятарлă «Трактор» профилактика операцине ирттерме йышăннă. Ку ĕç Чăваш Республикинчи Шалти ĕçсен пайĕн çул-йĕр управленийĕ хутшăннипе пурнăçланать.

«Трактор» операци вăхăтĕнче тракторсен, çул-йĕр техникин, хăй тĕллĕн çÿрекен машинăсен техника шайне тĕрĕслеме палăртнă. Вĕсем хăрушсăрлăх правилисен ыйтăвĕсене тивĕçтереççĕ-и – çакă та çирĕп тимлĕхре пулĕ. Çавăн пекех асăннă техника хатĕрĕсем тăван тавралăха, экологие мĕнлерех витĕм кÿнине те тĕрĕслĕç.

Н.ВАСИЛЬЕВ, Патшалăх техника тĕрĕслевĕн Патăрьел тата Шăмăршă районĕсен инспекцийĕн начальникĕ.