Анат Чаткасра çуралса ÿснĕ çынсем, тăван кĕтесрен аякра пурăнсан та, хăйсем вĕреннĕ ялти шкула манмаççĕ. Вĕсем тăтăш кунта килеççĕ, вĕренекенсемпе тĕл пулусем ирттереççĕ, шкула пулăшасси пирки те манмаççĕ.

О.Еремеев та хăй вĕреннĕ шкула пушă алăпа килмен. Вăл ачасем валли çамрăк армеецсен «Зарница» вăййисене кайма ултă вырăнлă 2 палата парнеленĕ.

Олег Васильевич ачаранпах спорта юратса çитĕ- ннĕ, йĕлтĕрпе чупма, кĕрешме юратнă. Отставкăри подполковник кĕрешÿ енĕпе спорт мастерĕн кандидачĕ, нумай парнесемпе медаль-грамотă хуçи.

Ырă кăмăллă ентешĕмĕре эпир хаçат урлă чĕререн тав тăватпăр.

В.ЗИНОВЬЕВ,

Анат Чаткас шкулĕн вĕрентекенĕ.