ÇУЛТАЛĂК пуçланнăранпа районти халăха ĕçпе тивĕçтерекен центрта вакансисен пилĕк ярмăрккине йĕркеленĕ. Çакнашкал мероприятисем ĕçсĕр граждансене ĕçе вырнаçтарма, бюджет укçипе вĕренме кайма пулăшаççĕ.

Кăçалхи ваканси ярмăрккисенчен иккĕшĕ – çул çитмен çамрăксене вăхăтлăха ĕçе вырнаçтарассипе, иккĕшĕ – 3 çул таран декретлă отпускра пулнă хĕрарăмсене тата ĕçсĕр юлнă граждансене вăл е ку специальноçпа вĕренме ярассипе, пĕри пенси çулĕнчи е пенси умĕнхи граждансене ĕç тупса парассипе çыхăннă.

Ваканси ярмăрккисен пулăшăвĕпе усă курса кăçал 63 çынна ĕçе вырнаçтарнă, 5 çынна çĕнĕ професси илмелли курссене вĕренме янă.