ВИÇПŸРТ ШĂМĂРШĂ ялĕнче «Сывлăх» клуб ĕçлеме пуçланăранпа вăхăт чылай иртрĕ ĕнтĕ. Ялта пурăнакан хĕрсемпе хĕрарăмсем хăйсен сывлăхĕсене çирĕплетес тĕлĕшпе йĕркелерĕç çак клуба. Кашни кунах, канмалли кунсемсĕр пуçне, этемлĕхĕн черчен пайĕ килти ĕçсене вĕçленĕ хыççăн клуба пуçтарăнать. Кунта вĕсем тĕрлĕ спорт упражненийĕсем тăваççĕ. Ÿркенмен, хăйĕн сывлăхне çирĕплетме шутлакан кашни çыннах клуба йышăнаççĕ.