ЧĂВАШ Республикинчи Юстици министерстви Çемье тата Ырă ĕçсен çулĕсене халалласа районсенчи ЗАГС уйрăмĕсем хушшинче конкурс ирттерет. Августăн 30-мĕшĕнче Шăмăршăри Мăшăрлану керменĕнче 4 çемье çуралнă. Конкурс комиссийĕ Кивĕ Чукалти Олег Малеевпа Етĕрне районĕн хĕрĕ Любовь Михайлова савăнăçлă лару-тăрура çырăннине курса хак панă. Çак ритуала ЗАГС пайĕн специалисчĕ Марина Ефимова ăста ертсе пынине, зала лайăх илемлетнине тата сценари паха пулнине палăртнă.