АЧА çурални _ çемьешĕн çеç мар, пĕтĕм ялшăн пысăк савăнăç. Кăçалхи сакăр уйăхра Пăчăрлă Пашьел ял поселенийĕн территорийĕнче 10 ача çуралнă, ку вăл пĕлтĕрхинчен 3 ача нумайрах çуралнине пĕлтерет. Август уйăхĕ пур уйăхран та телейлĕрех: çут тĕнчене 3 пепке килнĕ. Зойăпа Юрий Васильевсен çемйинче пĕрремĕш ача _ Женя çуралнă. Светланăпа Николай Мандрюковсен иккĕмĕш ача _ ывăл, Татьянăпа Валерий Прохоровсен пиллĕкмĕш ача _ хĕр çуралнă.