"АГРОСЕРВИС" хуçалăхăн Чукал уйрăмĕнче 70 гектар тулă, 85 гектар урпа çитĕнтернĕ. Халĕ хирте хĕрỹ ĕç пырать. Валентин Симурзинпа Василий Бибуков комбайнерсем иртен пуçласа каçчен хирте. Техника çĕнĕ мар _ çĕмĕрĕлмесĕр пулмасть. Апла пулсан та тулла вырса пĕтернĕ, урпа выраççĕ. Тулă вăтамран гектартан 20-шер центнер ытла тухать. Хуçалăхра кĕр аки те пуçланчĕ. Дмитрий Малеев агрегачĕ кĕрхи тулă акать. Çĕр хатĕрленĕ çĕрте Александр Малеев тăрăшуллă.