ÇАК ятпа районти ĕçпе тивĕçтерекен центр 2-6 классенче вĕренекенсем хушшинче ỹкерчĕксен конкурсне ирттернĕ. Ачасем хăйсен ỹкерчĕкĕсенче тĕрлĕ професси çыннисене _ комбайнера, почтальона, учителе, космонавта, милиционера, строителе, экскаваторщика тата ыттисене те сăнланă. Чи пултаруллисем тесе комисси Кивĕ Чукал шкулĕнче вĕренекенсене йышăннă. Çĕнтерỹçĕсене центр Хисеп грамотипе тата парнепе чысланă.