ÇĔНĔ çул умĕн пирĕн района савăнăçлă хыпар çитрĕ: 2007 çулта гражданла оборона ĕçĕнче çитĕнỹсем тунăшăн, чрезвычайлă лару-тăру кăларса тăратнă йывăрлăхсене питĕ хăвăрт çĕнтерме пултарнăшăн Шăмăршă районне республикăри Куçса çỹрекен Кубокпа тата I степень Дипломпа наградăланă. Çавăн пекех республикăри ял поселенийĕсем хушшинче Шăмăршă ял поселенийĕ çĕнтернине те палăртнă, ăна та Куçса çỹрекен Кубокпа тата I степень Дипломпа чысланă.