ИРТНĔ эрнере Шупашкарта, Патшалăхăн Вырăс драма театрĕнче, республикăри "Çулталăк çемйи" конкурсăн финалне хутшăнакансене чаплă лару-тăрура чысланă. Çĕнтерỹçĕсен йышĕнче пирĕн районти Кахăрлă Шăхалĕнчи Макаровсен çемйи те пур. Макаровсем ĕçе юратнипе, халăх хушшинче сăпайлă пулнипе палăрса тăраççĕ. Кил хуçи _ Геннадий Николаевич _ район Пухăвĕн депутачĕ. Çиччĕмĕш çул "Карла" фермер хуçалăхне пултаруллă ертсе пырать, ĕçре çитĕнỹ хыççăн çитĕнỹ тăвать. Мăшăрĕпе _ Антонина Николаевнапа _ икĕ ача пăхса çитĕнтереççĕ. Макаровсен çемйи пĕтĕм ялшăн ырă тĕслĕх пулса тăрать.