НОЯБРĔН 14-мĕшĕнче Канаш районĕнчи Ухман ялĕнче Чăваш Республикин Президенчĕн Кубокне çĕнсе илессишĕн пыракан Х Спартакиада шучĕпе шкул ачисем хушшинче сĕтел çинчи теннис ăмăртăвĕ пулса иртнĕ. Çивĕч тупăшура Шăмăршă районĕн туслă команди пĕрремĕш вырăн йышăннă, финала тухма пултарнă. Финалти вăйăсем ноябрĕн 29-мĕшĕнче Шупашкарта иртĕç. Шăмăршă командинчи Евгений Кувайские, Николай Малеева (Пăчăрлă Пашьел шкулĕ), Дмитрий Мандрюкова (Кивĕ Чукал шкулĕ) тата Алина Корчакована (Шăмăршă шкулĕ) финалта та питĕ лайăх выляма ăнăçу сунатпăр.