НОЯБРĔН 1-мĕшĕ тĕлне районта пурăнакансем _ пурĕ 629 çын _ килти хушма хуçалăха аталантарма 95 миллион та 330 пин тенкĕлĕх çăмăллăхлă кредит илнĕ. Çав шутра Шăмăршă ял поселенийĕпе 36 миллион, Палтиелпе Карапай Шăмăршă ял поселенийĕсенче _ 12-шер миллион тенке яхăн. Ял çыннисем кредит укçипе выльăх-чĕрлĕх усрама хуралтăсем тăваççĕ, ăратлă выльăх тата ял хуçалăх техники туянаççĕ.