В.П.Фадеев Пĕтĕм Раççейри канашлу ĕçне хутшăннă
ÇАК кунсенче Мускавра, Союзсен çурчĕн Колоннăллă залĕнче Раççей Федерацийĕнчи муниципаллă йĕркеленỹсен совечĕсен канашлăвĕ пулса иртнĕ, унăн ĕçне Шăмăршă районĕн пуçлăхĕ В.П.Фадеев та хутшăннă. _ Çак канашлу ĕçне Раççей Президенчĕ Владимир Владимирович Путин хăй хутшăнни унăн пĕлтерĕшĕ пысăккине çирĕплетет, - терĕ пирĕн корреспондента В.П.Фадеев. _ Çĕршыв пуçлăхĕ муниципалитетсем пысăк задачăсене татса пама пултараççĕ тесе шутлать, вĕсем приоритетлă наци проекчĕсене пурнăçа кĕртессишĕн вăй-хала шеллемесĕр ĕçлеççĕ. Канашлура Раççей ялĕсене çĕклес, çулсем тăвас, аталану генпланĕ туса пурнăçа кĕртес тата ытти ыйтусене сỹтсе явнă.
"Шăмăршă хыпарĕ"