Патăрьелĕнчи акатуйра та пирĕн "Капля" рысак (наездникĕ _ И.Матвеев) иккĕмĕш вырăн йышăннă. Калас пулать, финалчченхи чупура "Капля" дистанцие ипподромри чи лайăх вăхăтпа вĕçленĕ. Юланутçăсен ăмăртăвĕнче Кивĕ Шăмăршăри Г.Ельцовăн "Молния" лаши виççĕмĕш вырăн çĕнсе илнĕ. Патăрьел районĕнчи Кивĕ Ахпỹртри ипподромра ирттернĕ ăмăртура пирĕн "Салават" рысак (наездникĕ И.Матвеев) чи лайăх вăхăт кăтартса ипподром рекордне çĕнетнĕ.