ЧĂВАШ Республикин Шалти ĕçсен министерствин çак кунсенче Çĕнĕ Шупашкарта иртнĕ çăмăл атлетика чемпионатĕнче Шăмăршă районĕнчи шалти ĕçсен пайĕн сотрудникĕсем лайăх результатсемпе палăрнă. Пайри оперативлă дежурнăй В.И.Дмитриев майор 3000 метрлă дистанцие 9 минут та 41 çеккунтра чупса тухса, 40-45 çулти сотрудниксем хушшинче иккĕмĕш вырăн çĕнсе илнĕ. Вячеслав Ивановича судьясен коллегийĕ кĕмĕл медаль тата иккĕмĕш степеньлĕ Диплом парса чысланă.