РАЙОНТА пурăнакансем, "АПК аталанăвĕ" наци проекчĕпе килĕшỹллĕн, килти хушма хуçалăхсене вăйлатас тĕллевпе патшалăхран çăмăллăхлă кредит илеççĕ. Хальлĕхе 5,3 миллион тенкĕ илме тивĕçлĕ документсем хатĕрленĕ. Кăçал района 80 миллион тенкĕ уйăрса пама пăхнине шута илсен, ял поселени-йĕсен ертỹçисен халăх хушшинчи ăнлантару ĕçне анлăрах туса пымалла. Район пуçлăхĕн пĕрремĕш çумĕ В.Н.Никифоров халăха çăмăллăхлă кредит парас ыйту чи çивĕччисенчен пĕри тесе палăртать.