КĔÇНЕРНИ КУН пирĕн районта Чăваш Республикин Патшалăх Канашĕн социаллă политика, халăх сывлăхне сыхлас ĕç, физкультура тата спорт комитечĕн председателĕ О.Ю.Зайцева пулнă. Вăл Пăчăрлă Пашьелĕнчи тата Палтиелĕнчи çемье тухтăрĕн офисĕсене, Карапай Шăмăршăри ачасен санаторине çитсе курнă, Шăмăршăри тĕп больницăра ĕçлекенсен коллективĕпе тĕл пулса калаçнă. О.Ю.Зайцевапа пĕрле район пуçлăхĕн çумĕ Г.Н.Обаськин çỹренĕ.