Н.В.ФЕДОРОВ Президент Çырура ял хуçалăх ĕçченĕсен иртнĕ çулхи кăтартăвĕсене тĕрĕс хак пачĕ. Чăн та, ỹсĕм пур. Анчах туса çитерейменни те чылай. Республика пуçлăхĕ 2007 çул валли пысăкрах тĕллевсем кăларса тăратни пире, ял çыннисене, тата тăрăшарах ĕçлеме хистет. Пурнăç шайне лайăхлатассишĕн кашни çыннăн хăйĕн ĕç вырăнĕнче тăрăшса ĕçлемелле. Ял хуçалăх культурисен тухăçне ỹстерни хуçалăхсене ытларах тупăш кỹрĕ. Тухăçшăн вара çулталăкĕпех вăй хумалла.