ПАЛТИЕЛĔНЧИ пĕтĕмĕшле вăтам пĕлỹ паракан шкулта çарпа патриотизм уйăхлăхĕ пырать. Ачасем Раççей Геройне, хамăр районти Шамкайра çуралнă Олег Долгова асăнмалли кун ирттерчĕç. Класс сехетĕнче, калаçусенче Олегăн паттăрлăхне аса илчĕç. 9-11 классенче вĕренекенсем шкул выпускникĕпе, Пензăри çар училищин курсанчĕпе Раиль Хабибуллинпа тĕл пулу йĕркелерĕç. Вунпĕрмĕш класра вĕренекенсенчен чылайăшĕ шкул хыççăн çар училищисене вĕренме кайма кăмăл турĕç. 7 "а" класра класс сехетне Совет Союзĕн Геройне В.И.Урукова халалларĕç. Çарпа патриотизм уйăхлăхĕ малалла пырать.