РАЙОН администрацийĕн АПК предприятийĕсемпе çыхăнса ĕçлекен пайĕн тĕп зоотехникĕ Николай Вазанов пĕлтернĕ тăрăх, хуçалăхсенче выльăх-чĕрлĕх фермисене хĕле хатĕрлес ĕç йĕркеллĕ пулса пырать. Мăйракаллă шултра выльăхсем усракан 19 витерен 14-шĕ, сыснасем усракан 14 витерен 11-шĕ хĕле хатĕр. Ытти витесенче те юсав ĕçĕсем пыраççĕ. Хуçалăхсенче выльăх-чĕрлĕх валли утă тата сенаж хатĕрлеççĕ, тырă фуражĕ те пĕлтĕрхинчен ытларах хатĕрлеме палăртнă.