Шăмăршăри перекет банкĕ майăн 2-мĕшĕнчен пуçласа граждансене компьютер илмешкĕн кредит пама тытăнчĕ. 30 пин тенкĕ таран параççĕ. Çакăн пирки пире Перекет банкĕн районти филиалĕн пуçлăхĕ О.Н.Алексеев пĕлтерчĕ. Асăннă кредита юлашки 6 уйăх хушшинче уйăхри вăтам ĕç укçи 3 пинтен пуçласа 10 пин тенкĕрен кая мар пулнă граждансене параççĕ. Кредита çулталăк çурăлăха 16, виçĕ çуллăха 18, пилĕк çуллăха 19 процент çинчен параççĕ. Анчах 8 процентне республика бюджетĕнчен тỹлеççĕ. Çакна кредитпа тĕллевлĕ усă курни çинчен çирĕплетсе паракан тивĕçлĕ документсем тăратнă хыççăн тỹлеме тытăнаççĕ. Асăннă кредит пирки граждансем тĕплĕнрех перекет банкĕнчен ыйтса пĕлме пултараççĕ.