Çак кунсенче Хусанта Пĕтĕм тĕнчери Авиаципе космонавтика кунне халалласа Раççейри утçăсен ăмăртăвĕ иртнĕ. Унта 15 регионтан илсе килнĕ, çăмăл кỹмесем кỹлнĕ рысаксемпе ăмăртнă. Профессионаллă утçăсене кая хăварса, 2400 метрлă дистанцие 3 минут та 21 çеккунтра вĕçлесе, пирĕн районти "Агросервис" ООО директорĕ А.В.Максимов тытса пынă Педагогика рысак пĕрремĕш вырăна тухнă. (Урхамах хуçи _ В.П. Еремеев). Пысăк çитĕнỹ тунă май, Александр Васильевича сумлă призпа чысланă.