ЭРНЕ КУН Шăмăршăри Культура керменĕнче çамрăксен КВН командисен районти финал вăййисем пулса иртрĕç, унта çурма финалта çĕнтернĕ 6 команда хутшăнчĕ. Финал вăййисене хутшăннисем _ "Online" (райадминистраци), "Васкавлă пулăшу" (Шăмăршăри тĕп больница" МУЗ), "Шăмăршă асĕсем" (Шăмăршăри вăтам шкул), "Уесри ял" (Анат Чаткасри вăтам шкул), "Бэта" (Палтиелĕнчи вăтам шкул), "Адреналин" (Кив.Чукалти вăтам шкул) _ хăйсен ăсталăхĕпе пурне те тĕлĕнтерчĕç. КВН вăййи "Как ты хороша, родная Шемурша" юрра юрланипе вĕçленчĕ. Çамрăксене район администрацийĕн пуçлăхĕн çумĕсем Г.Н.Обаськинпа Н.Г.Игнатьева ăшшăн саламларĕç, çĕнтерỹçĕсене Хисеп грамотисемпе тата парнепе чысларĕç.