Вулакансем патне çĕнĕ кĕнеке çитрĕ. Ăна, "Баишевское лесничество Национального парка "Чăваш вăрманĕ" ятлăскере, асăннă учрежденире ĕçлекен П.Т.Тихоновпа Г.И.Марков хатĕрлесе кăларнă. Авторсем лесничествăн 85 çулхи кун-çулĕ, ĕçĕ-хĕлĕпе аталанăвĕ, кунта вăй хуракансемпе ветерансем çинчен ăшшăн çырса кăтартнă. Кĕнеке документсемпе, сăн ỹкерчĕксемпе те пуян. Вăл, тỹрех каламалла, шкул ачисемшĕн, студентсемшĕн, тăван çут çанталăка юраткансемшĕн чăннипех те пысăк та хаклă парне. Сăмах май, çак кĕнекене "Чăваш вăрманĕ" Наци паркĕпе Пăчăрлă Пашьел лесничествин кантурĕсенче туянма пулать.