Çак кунсенче Шăмăршă тăрăхĕнче пурăнакан вăй питт вун арçын Рязань облаçне строительство ĕçĕсем пурнăçлама тухса кайнă. Çак бригадăри Владимир Поспелов пирĕн корреспондента каланă тăрăх, хальхинче вĕсем Сергей Есенинăн тăван ялĕнче -Константиновăра ĕçлĕç. Чăваш платникĕсене поэт музейĕн директорĕ хăй чĕннĕ, тỹлев пирки килĕшсе татăлнă. Пирĕн ентешсем Константиновăра йывăç щитсенчен пухмалли çуртсем тунă çĕрте тăрăшĕç.