Шăмăршă район администрацийĕнчи обществвăлла уçă центра (ЦОД) 2005 çулхи пĕрремĕш квартăлта 350 çын пынă. Вĕсем валли кунта хальхи вăхăтри компьютер оргтехники çителĕклĕ. Клиентсем справкăпа право системипе, Интернетри информаципе анлăн усă кураççĕ. ЦОДăн яланхи хăнисем - шкул ачисемпе студентсем, тĕрлĕ шайри специалистсем. Центра ял ĕçченĕсем те килеççĕ, ял хуçалăх продукчĕсен хакĕпе интересленеççĕ тата ытти справка илеççĕ.