Вăраха тăсăлнă уявсен вăхăтĕнче районти культурăпа спорт пурнăçĕ пĕр вырăнта тăмарĕ: интереслĕ, асра юлмалли самантсем чылай пулса иртрĕ. Вĕсенчен пĕри _ Виçпỹрт Шăмăршăра йĕркеленĕ волейболистсен раштаври турнирĕ. Пилĕк команда хутшăнчĕ унта. Вĕсенчен пĕри _ пĕлтĕрхи турнир çĕнтерỹçи, Карапай Шăмăршăри пĕтĕмĕшле вăтам пĕлỹ паракан шкул команди. Карапайшăмăршăсем кăçалхи турнирта та ăнăçлă вылярĕç. Çакна палăртма кăмăллă: вĕсем пĕр вăййа та выляса ямарĕç, чемпион ятне тивĕçрĕç. Иккĕмĕшпе виççĕмĕш вырăнсенче _ Виçпỹрт Шăмăршă тата Шăмăршă ялĕсен администрацийĕсен командисем. Жюри турнирти чи лайăх волейболист тесе Виçпỹрт Шăмăршăри Владимир Абсалямова йышăнчĕ. Çĕнтерỹçĕ команда район администрацийĕн ятарлă хаклă призне тивĕçрĕ.