"Чăвашпотребсоюз" совечĕ яланхи йăлапа кăçал та стена хаçачĕсемпе фотохаçатсен конкурсене йĕркеленĕ. Çак кунсенче ятарлă комисси конкурса килнĕ ĕçсене те пĕтĕмлетнĕ, Шăмăршă райпо кăларса тăракан "Кооператорсен ĕçĕ-хĕлĕ" фотохаçат республикăри районсем хушшинче иккĕмĕш вырăн йышăннине палăртнă. Шăмăршăсене Дипломпа тата укçан преми парса хавхалантарчĕç.