ЧР Президенчĕн Кубокне çĕнсе илессишĕн пыракан республикăри Спартакиада шучĕпе иртнĕ самбо меслечĕпе кĕрешекенсен ăмăртăвĕнче - унта 1986-1987 çулсенче çуралнă яшсем хутшăннă - Шăмăршăри вăтам шкулти 11 "А" класра вĕренекен Николай Кузьмин (тренерĕ Александр Ичанкин) 81 килограмм таранчченхи виçе категорийĕнче пĕрремĕш вырăн çĕнсе илнĕ. 1988-1989 çулсенче çуралнă яшсен республикăри тепĕр ăмăртăвĕнче Шăмăршă шкулĕнчи Денис Кузьмин (42 килограмм таран) виççĕмĕш пулнă.

Первоисточник: "Шăмăршă хыпарĕ"