Патшалăх Статистика Комитечĕн районти уйрăмĕн тĕп специалисчĕ Г.Силюкова пĕлтернĕ тăрăх, 2002 çулхи пĕтĕм халăх çырăвĕ пирĕн районта ăнăçлă вĕçленнĕ. ăна ирттерме икĕ çырав участокĕ, 13 инструктор участокĕ йĕркеленĕ пулнă. 53 çыравçă çак тапхăрта район территорийĕнче пурăнакансене 100 проценчĕпех ыйтса çырса тухнă. Халĕ, октябрĕн 21-мĕшĕччен, юлашки контроллĕ Обход ирттереççĕ, ун хыççăн çырав листокĕсене Чăваш Республикин Патшалăх Статистика комитетне çитереççĕ. Пĕтĕмĕшле итогсем вара тепĕр çул паллă пулаççĕ.